5 på UL: Stemningsrapport frå festivalen

UL 2026 er i gang og me skjekker stemninga med å stille fem av deltakarane på UL nokre spørsmål.

Amanda Amalie Lind (16)

Frå: Sogndal
Funfact: Eg var i puljen med dei fyrste ungane som fekk corona i Vestland og deler av Noreg.

– Har du vore på UL før?
– Ja! Dette er andre gongen.

– Kva er dine tankar om årets tema «Forandret»?
– Eg synest det er veldig viktig, og det er blitt litt tabu gjerna, så det er veldig fint. Og møta er bra!

– Kva er ditt favorittminne/-høgdepunkt frå UL i år eller tidlegare år?
– Å snakke med folk ein ikkje kjenner frå før og å gjerne få gode, kristne samtalar.

– Kva er det kjekkaste med å vera på UL?
– Å sjå folk igjen og aktivitetane.

– Kva er din «go to» samtalestartar?
– Kanskje å gi folk eit kompliment, fordi folk opnar seg ofte meir opp når dei er glad.

Se UL-møtene direkte: ULs YouTube-kanal.

Magnus Starheimsæter (16)

Frå: Ålesund
Funfact: Eg elske å få adrenalinkick.

– Har du vore på UL før?
– Ja, det har eg. Eg var i fjor óg.

– Kva er dine tankar om årets tema «Forandret»?
– Ja, det er jo noko som treff meg litt nært da. Fordi alle kristne har jo hatt ein gong der dei har blitt forandra og ofte fått nytt liv då!

– Kva er ditt favorittminne/-høgdepunkt frå UL i år eller tidlegare år?
– I fjor, siste natta! Da døgna vi. Da var vi ein heil gjeng, også var vi nede i sentrum i Stavanger og song lovsong. Veldig kjekt!

– Kva er det kjekkaste med å vera på UL?
– Møte nye folk og det kristne fellesskapet.

– Kva er din «go to» samtalestartar?
– Har du møtt vennen min ­­__

Bjarte Halsne Sunde (16)

Frå: Kleppe
Funfact: Eg har greid å ha meir gipsar enn eg har knokke bein. Eg knuste fyrste gipsen min på trampoline når eg hadde brukket fot.

– Har du vore på UL før?
– Ja, eg var i fjor.

– Kva er dine tankar om årets tema «Forandret»?
– Nei, forandra. Det er jo ganske kjekt tema eigentleg fordi der kan ein snakka meir med folk som er lik som deg i tanken på koss alle blei forandra med sosiale media og korleis verden sitt samfunn skifte seg.

– Kva er ditt favorittminne/-høgdepunkt frå UL i år eller tidlegare år?
–Det var i fjor når meg og kompisen min berre gjekk rundt og satt oss ned med mange randome på bord og berre begynte å yappa (snakka) med absolutt alle folka.

– Kva er det kjekkaste med å vera på UL?
– Det kjekkaste er jo å møta nye folk.

– Kva er din «go to» samtalestartar?
– Det er enten «ah hei, koss går det?» eller berre «hei, kva heiter du?»

Magdalena Stevik (17)

Frå: Nærøysund
Funfact: Eg synest påskekrim er veldig skummelt.

– Har du vore på UL før?
– Nei, eg har aldri vore på UL før.

– Kva er dine tankar om årets tema «Forandret»?
– Det høyrtest veldig bra ut og ja, det er vel sikkert mange som blir forandra her på UL, og som får forandra truslivet sitt.

– Kva er ditt favorittminne/-høgdepunkt frå UL i år eller tidlegare år?
– Å få treffe igjen trusførebilete. Folk eg har sett opp til i trua som kjem hit og er førebilete for fleire.

– Kva er det kjekkaste med å vera på UL?
– Vera med vennar, få nye vennar, bli kjend med folk, tulle mykje rundt.

– Kva er din «go to» samtalestartar?
– Hei, kva heiter du, kor kjem du frå? – også tek vi det berre derifrå.

Emma Tungland (17)

Frå: Jørpeland
Funfact: Favorittserien min er «Der ingen skulle tru at nokon kunne bu».

– Har du vore på UL før?
– Ja, eg har vore dei to siste åra, også dette.

– Kva er dine tankar om årets tema «Forandret»?
– Eg synest det er ganske bra. Det var UL som forandra mitt trusliv, så det er litt gøy. Også er det jo veldig relevant, trur eg.

– Kva er ditt favorittminne/-høgdepunkt frå UL i år eller tidlegare år?
– I år så er det kanskje det å treffe folk igjen.

– Kva er det kjekkaste med å vera på UL?
– Det er jo det å treffa folk og bli kjent med nye. Men så synest eg og møta er veldig gøye og Silent Disco er skikkeleg gøy.

– Kva er din «go to» samtalestartar?
– Det blir jo fort hei og kor er du frå. Også er eg veldig glad i å spør kor går du på skule.